جب دل کو اضطراب کے نالوں نے آ لیا

جب دل کو اضطراب کے نالوں نے آ لیا

ہولے سے ہم نے نام ترا گنگنا لیا

کھلتے ہوئے گلوں کی مہک رائیگاں گئی

مجھ کو ترے حصار کی خوشبو نے آ لیا

جس طرح گل نے آندھیاں جھیلی ہیں رات بھر

ہم نے بھی غم کی تھاپ سے ٹھٹھا بنا لیا

ہم کو غم جہاں میں جدھر تک رسائی تھی

تیری حسین آنکھ کا نقشہ بنا لیا

کوئی غزل کہی کبھی تیرے جمال پر

تیری ہنسی کی یاد میں خود کو ہنسا لیا

jab dil ko iztirab ke nalon ne a liya

haule se ham ne nam tira gunguna liya

khulte hue gulon ki mahak raigan gai

mujh ko tire hisar ki khushbu ne a liya

jis tarah gul ne andhiyan jheli hain rat bhar

ham ne bhi gham ki thap se thatha bana liya

ham ko gham jahan mein jidhar tak rasai thi

teri hasin ankh ka naqsha bana liya

koi ghazal kahi kabhi tere jamal par

teri hansi ki yad mein khud ko hansa liya