اک محبت بے دلی کے کام آئی

اک محبت بے دلی کے کام آئی

بے دلی میں پھر سخن کی شام آئی

تذکرہ کیونکر کریں گے ہم خوشی کا

شاعروں کو جب اداسی کام آئی

اپنے مطلب کی سبھی نے بانٹ لی تھی

بات جتنی جس کسی کے کام آئی

مجھ سوا سب کو پکارا نام لے کر

میرے حصے کی صدا بے نام آئی

ہم محبت کا ولی کہتے ہیں اس کو

جس کے حصے قربتوں کی شام آئی

ik mohabbat be dili ke kam ai

be dili mein phir sukhan ki sham ai

tazkira kyunkar karenge ham khushi ka

shayaron ko jab udasi kam ai

apne matlab ki sabhi ne bant li thi

bat jitni jis kisi ke kam ai

mujh siwa sab ko pukara nam le kar

mere hisse ki sada be nam ai

ham mohabbat ka wali kahte hain us ko

jis ke hisse qurbaton ki sham ai