دیدۂ بینا ہے تو ہوگی ہی جلوہ آشنا

دیدۂ بینا ہے تو ہوگی ہی جلوہ آشنا

قطرہ دریا آشنا تو صحرا ذرہ آشنا

یوں تو کہنے کو سبھی ہیں ایک دنیا آشنا

دل ہی جانے ہے یہاں اب کون کس کا آشنا

عطر کتنے استعاروں نے کیا ان سے کشید

شاخ پر ہیں جھومتے یہ پھول شعلہ آشنا

اکتفا نان جویں پر اب کیا جاتا نہیں

لذت کام و دہن ہے من و سلویٰ آشنا

عشق کے ماروں کو جب بھی غور سے دیکھا ذرا

دل نہیں مجنوں صفت اور آنکھ لیلیٰ آشنا

آنے والے وقت کا تمثال گر تھا اس کا فن

غالبؔ خستہ ہمارے عہد کا تھا آشنا

dida-e-bina hai to hogi hi jalwa ashna

qatra-e-dariya ashna to sahra zarra ashna

yun to kahne ko sabhi hain ek duniya ashna

dil hi jane hai yahan ab kaun kis ka ashna

itr kitne istiaron ne kiya un se kashid

shakh par hain jhumte ye phul shola ashna

iktifa nan-e-jawin par ab kiya jata nahin

lazzat-e-kam-o-dahan hai man-o-salwa ashna

ishq ke maron ko jab bhi ghaur se dekha zara

dil nahin majnun sifat aur ankh laila ashna

ane wale waqt ka timsal gar tha us ka fan

ghalib-e-khasta hamare ahd ka tha ashna