ماہیٔ ریگ ہوں گھر میرا سمندر کر دے
Nafees Bano (b. 1951)ماہیٔ ریگ ہوں گھر میرا سمندر کر دے
موج در موج کی طغیانی مقدر کر دے
بے حسی کی ہے قبا روح کے تن پر یارب
اس کو احساس کی خوشبو سے معطر کر دے
اک زمانے سے دیا ہی نہ جلا اس گھر میں
دل کو ایقان کی مشعل سے منور کر دے
کتنا پایاب ہے گہرائی عطا کر یا رب
دشت افکار کو اک روز سمندر کر دے
وہ کسی موڑ پہ مل جائے تو میں منہ پھیروں
میرے اللہ مرے دل کو بھی پتھر کر دے
mahi-e-reg hun ghar mera samundar kar de
mauj dar mauj ki tughyani muqaddar kar de
be hissi ki hai qaba ruh ke tan par yarab
us ko ehsas ki khushbu se muattar kar de
ik zamane se diya hi na jala is ghar mein
dil ko iqan ki mashal se munawwar kar de
kitna payab hai gahrai ata kar ya rab
dasht-e-afkar ko ik roz samundar kar de
wo kisi mor pe mil jae to main munh pherun
mere allah mire dil ko bhi patthar kar de