زندگی تو نے کبھی خود کو سنوارا بھی نہیں

زندگی تو نے کبھی خود کو سنوارا بھی نہیں

جھلملاتا ترے ماتھے پہ ستارا بھی نہیں

سر ٹکایا ہی تھا دیوار پہ آنکھیں چھلکیں

آج وہ وقت ہے تنکے کا سہارا بھی نہیں

گاؤں کے کچے مکاں بوڑھے شجر یاد آئے

شہر بے درد میں اب میرا گزارا بھی نہیں

لفظ نے آہیں بھریں اور قلم بھی رویا

درد کاغذ پہ ابھی ہم نے اتارا بھی نہیں

وہ چمکتی ہے اندھیروں میں ستاروں کی طرح

ڈھنگ سے جس نے کبھی خود کو سنوارا بھی نہیں

zindagi tu ne kabhi khud ko sanwara bhi nahin

jhilmilata tire mathe pe sitara bhi nahin

sar tikaya hi tha diwar pe ankhen chhalken

aj wo waqt hai tinke ka sahara bhi nahin

gaon ke kachche makan burhe shajar yad ae

shahr-e-be dard mein ab mera guzara bhi nahin

lafz ne ahen bharen aur qalam bhi roya

dard kaghaz pe abhi ham ne utara bhi nahin

wo chamakti hai andheron mein sitaron ki tarah

dhang se jis ne kabhi khud ko sanwara bhi nahin