محبتوں میں ہتھیلی پہ لے کے سر آئے

محبتوں میں ہتھیلی پہ لے کے سر آئے

بلا کشان جنوں کیسے بے خطر آئے

تلاش وہ کرے خوشیاں کہ شوق ہے اس کا

غموں کو لے کے جیوں مجھ کو یہ ہنر آئے

میں جاگوں خواب سے تو سامنے اسے دیکھوں

مرے نصیب میں ایسی کوئی سحر آئے

ذلیل کر ہی دیا اس نے میرے جذبوں کو

وہ جس پہ ہم تو سبھی کچھ نثار کر آئے

یہ جرم مجھ سے ہوا تھا سزا بھی میں بھگتوں

تمام عشق کے الزام میرے سر آئے

یہ کیا کہ آنکھوں کی راہوں سے دل میں آتا ہے

کبھی سڑک سے گزر کر ہمارے گھر آئے

mohabbaton mein hatheli pe le ke sar ae

bala kashin junun kaise be khatar ae

talash wo kare khushiyan ke shauq hai us ka

ghamon ko le ke jyun mujh ko ye hunar ae

main jagun khwab se to samne use dekhun

mire nasib mein aisi koi sahar ae

zalil kar hi diya us ne mere jazbon ko

wo jis pe ham to sabhi kuchh nisar kar ae

ye jurm mujh se hua tha saza bhi main bhugtun

tamam ishq ke ilzam mere sar ae

ye kya ke ankhon ki rahon se dil mein ata hai

kabhi sarak se guzar kar hamare ghar ae