کئی دنوں تک نظر میں رہنے پہ ہاں کرے گی

کئی دنوں تک نظر میں رہنے پہ ہاں کرے گی

وہ پہلی کوشش پہ دل کشادہ کہاں کرے گی

خدا کی مرضی بتا رہا تھا بچھڑنے والا

وہ جانتا تھا کہ گیلی لکڑی دھواں کرے گی

مجھے پتا ہے میں اس کی نظروں سے گر گیا ہوں

مری توجہ بھی اب اسے بد گماں کرے گی

بچھڑ گئے دوست تو غلط فہمیاں بڑھیں گی

زمیں پہ بکھرے تنوں کا دیمک زیاں کرے گی

بغیر پتوار معجزہ ہوگا پار لگنا

یہ لہر پر ہے کدھر سفینہ رواں کرے گی

کوئی شگوفہ تمہارے ہنسنے کا منتظر ہے

کسی نظارے کو دھوپ آ کر عیاں کرے گی

kai dinon tak nazar mein rahne pe han karegi

wo pahli koshish pe dil kushada kahan karegi

khuda ki marzi bata raha tha bichharne wala

wo janta tha ke gili lakri dhuan karegi

mujhe pata hai main us ki nazron se gir gaya hun

miri tawajjoh bhi ab use bad guman karegi

bichhar gae dost to ghalat fahmiyan barhengi

zamin pe bikhre tanon ka dimak ziyan karegi

baghair patwar mojiza hoga par lagna

ye lahr par hai kidhar safina rawan karegi

koi shagufa tumhare hansne ka muntazir hai

kisi nazare ko dhup a kar ayan karegi