مری جاں پر یہ پتھر اس لیے بھاری زیادہ ہے

مری جاں پر یہ پتھر اس لیے بھاری زیادہ ہے

محبت کم ترے لہجے میں غم خواری زیادہ ہے

یہ سب سے مختصر رستہ ہے اس وادی میں جانے کا

مگر اس پر سفر کرنے میں دشواری زیادہ ہے

ہم اپنی راہ میں دیوار بن جاتے ہیں خود اکثر

ہمارا مسئلہ یہ ہے کہ خودداری زیادہ ہے

محبت کے قریب آیا تو اندازہ ہوا مجھ کو

کہ دل کش گھر سے گھر کی چار دیواری زیادہ ہے

ابھی یہ بحث نادرؔ وقت کی چوکھٹ پہ رکھتے ہیں

یہ کل دیکھیں گے کس کا کام معیاری زیادہ ہے

miri jan par ye patthar is liye bhari ziyada hai

mohabbat kam tire lahje mein gham khwari ziyada hai

ye sab se mukhtasar rasta hai is wadi mein jane ka

magar us par safar karne mein dushwari ziyada hai

ham apni rah mein diwar ban jate hain khud aksar

hamara masala ye hai ke khuddari ziyada hai

mohabbat ke qarib aya to andaza hua mujh ko

ke dil kash ghar se ghar ki char diwari ziyada hai

abhi ye bahs nadir waqt ki chaukhat pe rakhte hain

ye kal dekhenge kis ka kam meyari ziyada hai