نئے مجرم ہیں پرانوں کی طرف دیکھتے ہیں

نئے مجرم ہیں پرانوں کی طرف دیکھتے ہیں

مقتدی اپنے اماموں کی طرف دیکھتے ہیں

خوف سے بھاگ کھڑے ہوتے ہیں بزدل فوجی

ہم ندامت سے شہیدوں کی طرف دیکھتے ہیں

اتنا پیارا ہے وہ چہرہ کہ نظر پڑتے ہی

لوگ ہاتھوں کی لکیروں کی طرف دیکھتے ہیں

ہجر راس آتا تو کیوں کرتے تجھے یاد میاں

دھوپ لگتی ہے تو چھاؤں کی طرف دیکھتے ہیں

کیا خسارا ہے انہیں بچوں کا گھر بسنے میں

ہم تعجب سے بزرگوں کی طرف دیکھتے ہیں

جن کو آسانی سے دیدار میسر ہے ترا

وہ کہاں باغ میں پھولوں کی طرف دیکھتے ہیں

پہلا موقع ہے محبت کی طرف داری کا

کبھی اس کو کبھی لوگوں کی طرف دیکھتے ہیں

nae mujrim hain puranon ki taraf dekhte hain

muqtadi apne imamon ki taraf dekhte hain

khauf se bhag khare hote hain buzdil fauji

ham nadamat se shahidon ki taraf dekhte hain

itna pyara hai wo chehra ke nazar parte hi

log hathon ki lakiron ki taraf dekhte hain

hijr ras ata to kyun karte tujhe yad miyan

dhup lagti hai to chhaon ki taraf dekhte hain

kya khasara hai unhen bachchon ka ghar basne mein

ham taajjub se buzurgon ki taraf dekhte hain

jin ko asani se didar muyassar hai tira

wo kahan bagh mein phulon ki taraf dekhte hain

pahla mauqaa hai mohabbat ki taraf dari ka

kabhi us ko kabhi logon ki taraf dekhte hain