تم مرے خواب پریشاں کا اثر دیکھو تو

تم مرے خواب پریشاں کا اثر دیکھو تو

مضمحل سارا گلستاں ہے ادھر دیکھو تو

لب و عارض کی قسم جلوۂ رقصاں کی قسم

کس قدر شوخ ہے وہ رشک قمر دیکھو تو

شدت تشنہ لبی میں در مے خانہ پر

رکھ دیا پھر کسی مجبور نے سر دیکھو تو

تلخیاں بھول کے جذبات پہ قابو رکھ کر

تم خدا کے لئے اک بار ادھر دیکھو تو

کیا ستم اس سے زیادہ کوئی ہو سکتا ہے

موسم گل میں کٹے ہیں مرے پر دیکھو تو

جس سے گمراہ زمانے کو ضیا ملتی ہے

علم و عرفان و ہدایات کا وہ در دیکھو تو

سب پریشاں ہیں یہاں کون کہے ان سے سحرؔ

تم غریبوں کو کبھی ایک نظر دیکھو تو

tum mire khwab-e-pareshan ka asar dekho to

muzmahil sara gulistan hai idhar dekho to

lab-o-ariz ki qasam jalwa-e-raqsan ki qasam

kis qadar shokh hai wo rashk-e-qamar dekho to

shiddat-e-tishna labi mein dar-e-mai khana par

rakh diya phir kisi majbur ne sar dekho to

talkhiyan bhul ke jazbat pe qabu rakh kar

tum khuda ke liye ik bar idhar dekho to

kya sitam is se ziyada koi ho sakta hai

mausam-e-gul mein kate hain mire par dekho to

jis se gumrah zamane ko ziya milti hai

ilm-o-irfan-o-hadayat ka wo dar dekho to

sab pareshan hain yahan kaun kahe un se sahar

tum gharibon ko kabhi ek nazar dekho to