تیرگی ہو تو کیا کرے کوئی

تیرگی ہو تو کیا کرے کوئی

شمع بن کر جلا کرے کوئی

خود کو غم آشنا کرے کوئی

درد دل پھر سوا کرے کوئی

دھجیاں کر کے جیب و داماں کی

حق جنوں کا ادا کرے کوئی

دشت وہم و گماں میں پھر اپنا

خضر کو رہنما کرے کوئی

کیف پروردہ دل نشیں یادیں

دل سے کیسے جدا کرے کوئی

دل سے مجبور ہے سحرؔ اپنے

ترک کیسے وفا کرے کوئی

tirgi ho to kya kare koi

shama ban kar jala kare koi

khud ko gham ashna kare koi

dard-e-dil phir siwa kare koi

dhajjiyan kar ke jeb-o-daman ki

haq junun ka ada kare koi

dasht-e-wahm-o-guman mein phir apna

khizr ko rahnuma kare koi

kaif parwarda dil nashin yaden

dil se kaise juda kare koi

dil se majbur hai sahar apne

tark kaise wafa kare koi