رہو گے بزم ہستی میں یوں ہی بے دست و پا کب تک

رہو گے بزم ہستی میں یوں ہی بے دست و پا کب تک

کرو گے تم زمانے سے مقدر کا گلہ کب تک

نظر سے حسن کا آخر بڑھے گا فاصلہ کب تک

تخیل کا نہ گرد آلود ہوگا آئنہ کب تک

چلے گی صحن‌ گلشن میں تعصب کی ہوا کب تک

رہے گا آدمی کا آدمی دشمن بھلا کب تک

کبھی سوچا بھی دیوانو شب غم راہ منزل میں

سہارا تم کو دے گا ہر قدم پر رہنما کب تک

خوشامد جی حضوری خود فریبی سے چمن والو

رفو کرتے رہو گے چاک دامان قبا کب تک

ارے ناعاقبت اندیش اس موج تلاطم سے

بچائے گا یوں ہی ہر وقت تجھ کو ناخدا کب تک

اسے کچھ مشورہ دیں اہل دانش کس لئے چپ ہیں

سحرؔ دشت تجسس میں رہے سیماب پا کب تک

rahoge bazm-e-hasti mein yun hi be dast-o-pa kab tak

karoge tum zamane se muqaddar ka gila kab tak

nazar se husn ka akhir barhega fasla kab tak

takhayyul ka na gard alud hoga aina kab tak

chalegi sehn-e-gulshan mein taassub ki hawa kab tak

rahega admi ka admi dushman bhala kab tak

kabhi socha bhi diwano shab-e-gham rah-e-manzil mein

sahara tum ko dega har qadam par rahnuma kab tak

khushamad ji huzuri khud farebi se chaman walo

rafu karte rahoge chak daman-e-qaba kab tak

are naaqibat andesh is mauj-e-talatum se

bachaega yun hi har waqt tujh ko nakhuda kab tak

use kuchh mashwara den ahl-e-danish kis liye chup hain

sahar dasht-e-tajassus mein rahe simab pa kab tak