گرتے گرتے سنبھل رہا ہوں میں

گرتے گرتے سنبھل رہا ہوں میں

دسترس سے نکل رہا ہوں میں

دھوپ کا بھی عجب تماشہ ہے

اپنے سائے پہ چل رہا ہوں میں

گفتگو ہے میری گلابوں سی

شخصیت میں کنول رہا ہوں میں

دھوپ جب سے ملی ہے چہرے پر

رفتہ رفتہ پگھل رہا ہوں میں

گرد میرے ہے وحشتوں کا ہجوم

ایک جنگل میں پل رہا ہوں میں

ایک ہچکی کا کھیل ہے ماہرؔ

اس قدر کیوں مچل رہا ہوں میں

girte girte sambhal raha hun main

dastaras se nikal raha hun main

dhup ka bhi ajab tamasha hai

apne sae pe chal raha hun main

guftugu hai meri gulabon si

shakhsiyat mein kanwal raha hun main

dhup jab se mili hai chehre par

rafta rafta pighal raha hun main

gard mere hai wahshaton ka hujum

ek jangal mein pal raha hun main

ek hichki ka khel hai mahir

is qadar kyun machal raha hun main