آنکھوں سے مناظر کا تسلسل نہیں ٹوٹا

آنکھوں سے مناظر کا تسلسل نہیں ٹوٹا

میں لٹ گیا پر تیرا تغافل نہیں ٹوٹا

تشنہ تھا میں بہتا رہا دریا مرے آگے

لیکن میرے ہونٹوں کا تحمل نہیں ٹوٹا

صدیوں سے بغل گیر ہیں ایک دوجے سے لیکن

دریا کے کناروں کا تجاہل نہیں ٹوٹا

الجھا ہوں کئی بار مسائل کے بھنور میں

میں ٹوٹ گیا میرا توکل نہیں ٹوٹا

خاموش ہوا چیختے دریا کا تلاطم

اے تیشۂ فرہاد ترا غل نہیں ٹوٹا

ankhon se manazir ka tasalsul nahin tuta

main lut gaya par tera taghaful nahin tuta

tishna tha main bahta raha dariya mire age

lekin mere honton ka tahammul nahin tuta

sadiyon se baghal gir hain ek duje se lekin

dariya ke kinaron ka tajahul nahin tuta

uljha hun kai bar masail ke bhanwar mein

main tut gaya mera tawakkul nahin tuta

khamosh hua chikhte dariya ka talatum

ai tesha-e-farhad tira ghul nahin tuta