ایک خوف و ہراس پانی میں

ایک خوف و ہراس پانی میں

سارے منظر اداس پانی میں

بھول بیٹھا میں ذائقے سارے

کس قدر تھی مٹھاس پانی میں

جانے کس روز غرق ہو جائے

اس زمیں کی اساس پانی میں

ڈوبتے ہیں کبھی ابھرتے ہیں

سب دلیل و قیاس پانی میں

ek khauf-o-hiras pani mein

sare manzar udas pani mein

bhul baitha main zaiqe sare

kis qadar thi mithas pani mein

jane kis roz gharq ho jae

is zamin ki asas pani mein

dubte hain kabhi ubharte hain

sab dalil-o-qayas pani mein