تری یادوں کی نقاشی کھرچ کر پھینک آئے ہیں

تری یادوں کی نقاشی کھرچ کر پھینک آئے ہیں

جھلستی ریت پر ہم اک سمندر پھینک آئے ہیں

عقیق و نیلم و لعل و جواہر پھینک آئے ہیں

سمندر میں عجب منظر شناور پھینک آئے ہیں

تری یادیں تری باتیں سبھی اوراق پارینہ

ہم اک اک کر کے سب دل سوز منظر پھینک آئے ہیں

تلاطم ہو کہ طوفاں ہو یہ دریا پار کرنا ہے

ہم اپنی کشتیاں موجوں کے اندر پھینک آئے ہیں

tiri yadon ki naqqashi khurach kar phenk ae hain

jhulasti ret par ham ik samundar phenk ae hain

aqiq-o-nilam-o-laal-o-jawahir phenk ae hain

samundar mein ajab manzar shanaor phenk ae hain

tiri yaden tiri baten sabhi auraq-e-parina

ham ik ik kar ke sab dil soz manzar phenk ae hain

talatum ho ke tufan ho ye dariya par karna hai

ham apni kashtiyan maujon ke andar phenk ae hain