ہم بزرگوں کی آن چھوڑ آئے

ہم بزرگوں کی آن چھوڑ آئے

خاندانی مکان چھوڑ آئے

اس قبیلے میں سارے گونگے تھے

ہم جہاں پر زبان چھوڑ آئے

اس کا دروازہ بند پایا تو

دستکوں کے نشان چھوڑ آئے

روٹی کپڑے مکان کی خاطر

روٹی کپڑا مکان چھوڑ آئے

ایک اس کو تلاش کرنے میں

ہم زمیں آسمان چھوڑ آئے

اب سفر ہے یقین کی جانب

وسوسے اور گمان چھوڑ آئے

ham buzurgon ki an chhor ae

khandani makan chhor ae

is qabile mein sare gunge the

ham jahan par zaban chhor ae

us ka darwaza band paya to

dastakon ke nishan chhor ae

roti kapre makan ki khatir

roti kapra makan chhor ae

ek us ko talash karne mein

ham zamin asman chhor ae

ab safar hai yaqin ki janib

waswase aur guman chhor ae