اس دل کو اگر تیرا سہارا نہیں ملتا

اس دل کو اگر تیرا سہارا نہیں ملتا

قسمت کو کوئی چاند ستارہ نہیں ملتا

گھیرا ہے کسی خوف نے اس طرح سے دل کو

ملتا ہے جو اک بار دوبارہ نہیں ملتا

کچھ تم بھی محبت میں ہو تقدیر کے قائل

کچھ مجھ کو بھی چلنے کا اشارہ نہیں ملتا

یوں ڈوب گیا ہوں تری آنکھوں کے بھنور میں

اب میرے سفینے کو کنارہ نہیں ملتا

کردار ہیں تبدیل کہانی تو وہی ہے

افسانے میں اب نام ہمارا نہیں ملتا

دیپک کی طرح شام سے ہم جلنے لگے ہیں

اس آگ کا پر کوئی شرارہ نہیں ملتا

شاکرؔ تری قسمت میں ہیں بیکار صدائیں

جس شخص کو بھی تو نے پکارا نہیں ملتا

is dil ko agar tera sahara nahin milta

qismat ko koi chand sitara nahin milta

ghera hai kisi khauf ne is tarah se dil ko

milta hai jo ik bar dobara nahin milta

kuchh tum bhi mohabbat mein ho taqdir ke qail

kuchh mujh ko bhi chalne ka ishara nahin milta

yun dub gaya hun tiri ankhon ke bhanwar mein

ab mere safine ko kinara nahin milta

kirdar hain tabdil kahani to wahi hai

afsane mein ab nam hamara nahin milta

dipak ki tarah sham se ham jalne lage hain

is ag ka par koi sharara nahin milta

shakir tiri qismat mein hain bekar sadaen

jis shakhs ko bhi tu ne pukara nahin milta