تیرے بغیر خود سے جدا لگ رہا ہوں آج

تیرے بغیر خود سے جدا لگ رہا ہوں آج

بے لوث چاہتوں کی سزا لگ رہا ہوں آج

تم سے بچھڑ کے خود کو عجب فیض ہے ملا

میں اپنی خواہشوں کا خدا لگ رہا ہوں آج

میں تو تمہارے ہجر میں یوں چور ہو گیا

اجڑے ہوئے چمن کی ہوا لگ رہا ہوں آج

رسموں کی بھینٹ ایسے چڑھا ہوں میں اے قفس

ان بکتی دلہنوں کی ردا لگ رہا ہوں آج

شاکرؔ میں کیسے عہد نبھاؤں گا اس برس

پوری نہ ہو سکے جو دعا لگ رہا ہوں آج

tere baghair khud se juda lag raha hun aj

be los chahaton ki saza lag raha hun aj

tum se bichhar ke khud ko ajab faiz hai mila

main apni khwahishon ka khuda lag raha hun aj

main to tumhare hijr mein yun chur ho gaya

ujre hue chaman ki hawa lag raha hun aj

rasmon ki bhent aise charha hun main ai qafas

un bikti dulhanon ki rida lag raha hun aj

shakir mein kaise ahd nibhaunga is baras

puri na ho sake jo dua lag raha hun aj