ہے ہجر پھیلا ہوا اور روشنی کم ہے

ہے ہجر پھیلا ہوا اور روشنی کم ہے

محبتوں کے لیے ایک زندگی کم ہے

ترا وصال علامت ہے میرے جینے کی

اور اب کے جینے کی امید اور بھی کم ہے

نہ وہ فراق نہ نفرت نہ انتہائے غم

مری حیات میں ہر ایک تیرگی کم ہے

تم اپنی نیم سی آنکھوں سے ہی پلا ڈالو

مرے لبوں پہ پیالوں کی تشنگی کم ہے

مرے مزاج سے ملتا نہیں ہے تیرا مزاج

ترے مزاج میں شاید کہ عاشقی کم ہے

عجیب بدلا ہوا لگ رہا ہے وہ شاکرؔ

اور اس کے لہجے میں بھی اب کہ بے رخی کم ہے

hai hijr phaila hua aur raushni kam hai

mohabbaton ke liye ek zindagi kam hai

tira wisal alamat hai mere jine ki

aur ab ke jine ki ummid aur bhi kam hai

na wo firaq na nafrat na intiha-e-gham

miri hayat mein har ek tirgi kam hai

tum apni nim si ankhon se hi pila dalo

mire labon pe pyalon ki tishnagi kam hai

mire mizaj se milta nahin hai tera mizaj

tire mizaj mein shayad ke ashiqi kam hai

ajib badla hua lag raha hai wo shakir

aur us ke lahje mein bhi ab ke be rukhi kam hai