میں سب کچھ چھوڑ دینا چاہتا ہوں

میں سب کچھ چھوڑ دینا چاہتا ہوں

دلوں کو جوڑ دینا چاہتا ہوں

میں اپنی چاہتیں تم پر لٹا کر

غموں کو موڑ دینا چاہتا ہوں

یہ کیسے آج تم نے کہہ دیا ہے

تعلق توڑ دینا چاہتا ہوں

لیے پھرتے ہیں جو ہاتھوں میں بچے

وہ کاسے پھوڑ دینا چاہتا ہوں

میں شاکرؔ بے ردا بہنوں کے سر پہ

ردائیں اوڑھ دینا چاہتا ہوں

main sab kuchh chhor dena chahta hun

dilon ko jor dena chahta hun

main apni chahaten tum par luta kar

ghamon ko mor dena chahta hun

ye kaise aj tum ne kah diya hai

taalluq tor dena chahta hun

liye phirte hain jo hathon mein bachche

wo kase phor dena chahta hun

main shakir be rida bahnon ke sar pe

ridaen orh dena chahta hun