جو ہمارے واسطے سب دین تھے ایمان تھے

جو ہمارے واسطے سب دین تھے ایمان تھے

ان کے ہاتھوں میں فقط غیروں کے ہی دیوان تھے

پھر کہا اس نے کہ جب ویران کر دے گی تمہیں

زندگی اس کو بتا ہم تو سدا ویران تھے

یہ نہیں کہ درد دل درد جگر کا خوف تھا

اس کے جانے سے ہمیں کچھ اور بھی نقصان تھے

جانے کیوں سارے جہاں کا درد اس دل کو ملا

اس جہاں میں ہم سے اچھے اور بھی انسان تھے

زندگی کو ڈھونڈنے آئے ہیں ہم تیرے جہاں

اپنی بستی میں تو ہر جا موت کے امکان تھے

ہم نے کب چاہا تھا کے ہم اس طرح لاچار ہوں

یہ بھی ہم پہ دوستوں کے جا بجا احسان تھے

jo hamare waste sab din the iman the

un ke hathon mein faqat ghairon ke hi diwan the

phir kaha us ne ke jab wiran kar degi tumhen

zindagi us ko bata ham to sada wiran the

ye nahin ke dard-e-dil-e-dard-e-jigar ka khauf tha

us ke jane se hamen kuchh aur bhi nuqsan the

jane kyun sare jahan ka dard is dil ko mila

is jahan mein ham se achchhe aur bhi insan the

zindagi ko dhundne ae hain ham tere jahan

apni basti mein to har ja maut ke imkan the

ham ne kab chaha tha ke ham is tarah lachar hun

ye bhi ham pe doston ke ja baja ehsan the