Arooz is now on the App Store, for iPhone and iPad. Download →

All poetry

ہمیں خبر ہے خراب ہوں گے

M. Usman Shakir (b. 1980)

ہمیں خبر ہے خراب ہوں گے

ادھورے سپنے عذاب ہوں گے

جو کی محبت تو سوچنا کیا

سوال ہوں گے جواب ہوں گے

ہے یاد مجھ کو کہ کہہ رہے تھے

ہمیشہ دل کی کتاب ہوں گے

رہیں گے بن کے کسک سی دل میں

جو جاگی آنکھوں کے خواب ہوں گے

محبتیں مٹ سکی ہیں کس سے

یہی سندیسے گلاب ہوں گے

اسی ستم گر کے نام یارو

مرے سبھی انتساب ہوں گے

جنہیں سکوں سمجھا ہم نے شاکرؔ

خبر نہ تھی اضطراب ہوں گے