کبھی مسجد کبھی مندر سے اٹھا

کبھی مسجد کبھی مندر سے اٹھا

اک سوالی تھا ترے در سے اٹھا

جب بجھا دل میں چراغ امید

اک دھواں سا مرے اندر سے اٹھا

چاندنی روئے زمیں پر پھیلی

شور طوفاں کا سمندر سے اٹھا

جب لٹی اپنی متاع ہستی

ایک شعلہ سا مرے گھر سے اٹھا

وہ بھی اک نعرۂ مستانہ تھا

جو مرے سایۂ پیکر سے اٹھا

کس قیامت کی یہ انگڑائی ہے

نشہ سا بادہ و ساغر سے اٹھا

اس کا پیکر کبھی مانند صلیب

میرے ہر خواب کے محور سے اٹھا

دیر میں جب بھی اٹھا ہے فتنہ

سند خیر سے یا شر سے اٹھا

میری پہچان ہے مجھ سے قائم

ہر نفس اپنے ہی محور سے اٹھا

میں جو اک شعلہ نوا شاعر ہوں

بے صدا بزم سخنور سے اٹھا

kabhi masjid kabhi mandir se utha

ik sawali tha tire dar se utha

jab bujha dil mein charagh-e-ummid

ik dhuan sa mire andar se utha

chandni ru-e-zamin par phaili

shor-e-tufan ka samundar se utha

jab luti apni mata-e-hasti

ek shola sa mire ghar se utha

wo bhi ik naara-e-mastana tha

jo mire saya-e-paikar se utha

kis qayamat ki ye angrai hai

nasha sa bada-o-saghar se utha

us ka paikar kabhi manind-e-salib

mere har khwab ke mehwar se utha

der mein jab bhi utha hai fitna

sanad-e-khair se ya shar se utha

meri pahchan hai mujh se qaim

har nafas apne hi mehwar se utha

main jo ik shola nawa shayar hun

be sada bazm-e-sukhanwar se utha