رخت سفر کا میں نے ارادہ نہیں کیا

رخت سفر کا میں نے ارادہ نہیں کیا

روشن چراغ منزل جادہ نہیں کیا

تجھ سے بچھڑ کے اور مرا دل اداس ہو

ملنے کا اس لئے ابھی وعدہ نہیں کیا

شدت سے تھا ملال شب ہجر کا مگر

شانے پہ تیرے سر کو نہادہ نہیں کیا

دل مطمئن ہے باعث تجدید دوستی

اس کو خفا بھی حد سے زیادہ نہیں کیا

سب کچھ عطا ہوا تری رحمت سے اس لئے

دست طلب کو اور کشادہ نہیں کیا

شاید کہ میری روح کو بالیدگی ملے

خود کو رہین ساغر و بادہ نہیں کیا

شاید مری جبیں کو ملے اذن بندگی

دل کے ورق کو اس لئے سادہ نہیں کیا

مجھ کو نہ تمکنت کا ہو احساس بے زیاں

قامت کو اپنے اور ستارہ نہیں کیا

اپنی تلاش میں ہوں صباؔ اس لئے ابھی

سوئے حرم سفر کا ارادہ نہیں کیا

rakht-e-safar ka main ne irada nahin kiya

raushan charagh-e-manzil-e-jada nahin kiya

tujh se bichhar ke aur mira dil udas ho

milne ka is liye abhi waada nahin kiya

shiddat se tha malal-e-shab-e-hijr ka magar

shane pe tere sar ko nihada nahin kiya

dil mutmain hai bais-e-tajdid-e-dosti

us ko khafa bhi had se ziyada nahin kiya

sab kuchh ata hua tiri rahmat se is liye

dast-e-talab ko aur kushada nahin kiya

shayad ke meri ruh ko balidagi mile

khud ko rahin-e-saghar-o-bada nahin kiya

shayad miri jabin ko mile izn-e-bandagi

dil ke waraq ko is liye sada nahin kiya

mujh ko na tamkanat ka ho ehsas-e-be ziyan

qamat ko apne aur sitara nahin kiya

apni talash mein hun saba is liye abhi

su-e-haram safar ka irada nahin kiya