یہاں غموں کی ہے بہتات اور خوشی کم ہے

یہاں غموں کی ہے بہتات اور خوشی کم ہے

چلے بھی آؤ کہ اپنی بھی زندگی کم ہے

ذرا سی دیر ٹھہر جاؤ جگنوؤں آ کر

ہمارے گھر میں چراغوں کی روشنی کم ہے

نکل چکے ہو جو گھر سے کہیں ٹھہر جاؤ

ہمارے شہر میں امن و اماں ابھی کم ہے

تمہارے آنے سے پھیلے گی خوشبوئیں ہر سو

چلے بھی آؤ گلابوں میں دل کشی کم ہے

وہ نفرتوں کا کھلاڑی ہے اس کے چہرے پر

فریب چھایا ہے شدت سے سادگی کم ہے

تمہارے ہونٹ بھی خالی ہیں مسکراہٹ سے

ہمارے سوکھے لبوں پہ بھی اب خوشی کم ہے

ضمیر بیچ کے کرتے ہیں عیش یہ ہر دم

ہمارے دور کے لوگوں میں اب خودی کم ہے

سبھی کو اپنے ہی حالات نے بدل ڈالا

ملا تو کرتے ہیں آپس میں دوستی کم ہے

سکھا دیا ہے زمانے نے یہ ہنر ساجدؔ

ہمارے لہجے میں پہلے سے بے رخی کم ہے

yahan ghamon ki hai bahutat aur khushi kam hai

chale bhi ao ke apni bhi zindagi kam hai

zara si der thahar jao jugnuon a kar

hamare ghar mein charaghon ki raushni kam hai

nikal chuke ho jo ghar se kahin thahar jao

hamare shahr mein amn-o-aman abhi kam hai

tumhare ane se phailegi khushbuen har su

chale bhi ao gulabon mein dil kashi kam hai

wo nafraton ka khilari hai us ke chehre par

fareb chhaya hai shiddat se sadgi kam hai

tumhare hont bhi khali hain muskurahat se

hamare sukhe labon pe bhi ab khushi kam hai

zamir bech ke karte hain aish ye har dam

hamare dur ke logon mein ab khudi kam hai

sabhi ko apne hi halat ne badal dala

mila to karte hain apas mein dosti kam hai

sikha diya hai zamane ne ye hunar sajid

hamare lahje mein pahle se be rukhi kam hai