یوں تو ہر داغ تجھے ہم نے دکھایا بھی نہیں

یوں تو ہر داغ تجھے ہم نے دکھایا بھی نہیں

لیکن اے دوست کوئی راز چھپایا بھی نہیں

یہ تو سچ ہے کہ حقیقت کی طرح یاد نہیں

خواب کی طرح مگر تجھ کو بھلایا بھی نہیں

کیوں گلے ملتے ہیں رہ رہ کے حوادث مجھ سے

مجھ پہ جو گزری ہے وہ میں نے بتایا بھی نہیں

کوئی بتلاؤ کریں کس طرح اپنوں کی تلاش

ایسی منزل پہ جہاں کوئی پرایا بھی نہیں

یوں رہے گرم سفر عالم حیرت میں صباؔ

اپنا دامن کبھی کانٹوں سے بچایا بھی نہیں

yun to har dagh tujhe ham ne dikhaya bhi nahin

lekin ai dost koi raz chhupaya bhi nahin

ye to sach hai ke haqiqat ki tarah yad nahin

khwab ki tarah magar tujh ko bhulaya bhi nahin

kyun gale milte hain rah rah ke hawadis mujh se

mujh pe jo guzri hai wo main ne bataya bhi nahin

koi batlao karen kis tarah apnon ki talash

aisi manzil pe jahan koi paraya bhi nahin

yun rahe garm-e-safar alam-e-hairat mein saba

apna daman kabhi kanton se bachaya bhi nahin