وقت خود سر ہے سدا اپنی ہی من مانی کرے

وقت خود سر ہے سدا اپنی ہی من مانی کرے

بہتا دریا آگ کر دے آگ کو پانی کرے

ٹوٹ ہی جائے الٰہی یہ جمود بے اماں

آگ برسائے فلک دریا ہی طغیانی کرے

بچوں کی سی خواہشوں میں عمر ساری کٹ گئی

تیر سے چاہا تھا زخموں کی نگہبانی کرے

جس میں باقی رہ گئی ہے تیری تھوڑی سی مہک

زندگی اس ایک لمحے میں ہی زندانی کرے

دشت بے پایاں میں اک تنہا مسافر ہوں صباؔ

جانے میرا حشر کیا غول بیابانی کرے

waqt-e-khud sar hai sada apni hi man mani kare

bahta dariya ag kar de ag ko pani kare

tut hi jae ilahi ye jumud-e-be aman

ag barsa-e-falak dariya hi tughyani kare

bachchon ki si khwahishon mein umr sari kat gai

tir se chaha tha zakhmon ki nigahbani kare

jis mein baqi rah gai hai teri thori si mahak

zindagi us ek lamhe mein hi zindani kare

dasht-e-be payan mein ik tanha musafir hun saba

jane mera hashr kya ghaul-e-bayabani kare