سراب زیست سے بچنا تو بس کے باہر تھا

سراب زیست سے بچنا تو بس کے باہر تھا

مگر جو سینے پہ یادوں کا سخت پتھر تھا

ہم اپنے آپ سے کچھ دیر گفتگو کر لیں

تمہاری یاد نہ آتی تو آج بہتر تھا

نہ قافلہ نہ غبار سفر نہ سایہ کوئی

ہمارے ساتھ تو جو کچھ تھا دامن تر تھا

خیال و خواب سے کیونکر جنوں کو ہوش آیا

تمہارا ذکر تھا یا زندگی کا نشتر تھا

نہ جانے کس لئے دنیا یہی سمجھتی ہے

نہ میں تھا درد کا مارا نہ تو ستم گر تھا

خبر نہ تھی کہ تقاضائے زندگی کیا ہے

کسی کی بزم پہ ہم کو گمان محشر تھا

حیات جاتی کہاں کس سے ہوتی داد طلب

دل حیات کا ہر زخم خود ہی خنجر تھا

sarab-e-zist se bachna to bas ke bahar tha

magar jo sine pe yadon ka sakht patthar tha

ham apne ap se kuchh der guftugu kar len

tumhari yad na ati to aj behtar tha

na qafila na ghubar-e-safar na saya koi

hamare sath to jo kuchh tha daman-e-tar tha

khayal-o-khwab se kyunkar junun ko hosh aya

tumhara zikr tha ya zindagi ka nashtar tha

na jane kis liye duniya yahi samajhti hai

na main tha dard ka mara na to sitam gar tha

khabar na thi ke taqaza-e-zindagi kya hai

kisi ki bazm pe ham ko guman-e-mahshar tha

hayat jati kahan kis se hoti dad talab

dil-e-hayat ka har zakhm khud hi khanjar tha