سایۂ بے اماں سے کیا حاصل

سایۂ بے اماں سے کیا حاصل

زندگی اس جہاں سے کیا حاصل

کچھ بھی دیکھا نہ ہم نے جی بھر کے

ایسی عمر رواں سے کیا حاصل

دل ہے میرا تو غم نہیں میرا

ایسے ربط نہاں سے کیا حاصل

جب قدم اپنے اٹھ نہ پاتے ہوں

تیزیٔ ہمرہاں سے کیا حاصل

نقد جاں گر عزیز ہے تو صباؔ

ذکر کوئے بتاں سے کیا حاصل

saya-e-be aman se kya hasil

zindagi is jahan se kya hasil

kuchh bhi dekha na ham ne ji bhar ke

aisi umr-e-rawan se kya hasil

dil hai mera to gham nahin mera

aise rabt-e-nihan se kya hasil

jab qadam apne uth na pate hun

tezi-e-hamrahan se kya hasil

naqd-e-jan gar aziz hai to saba

zikr ku-e-butan se kya hasil