اپنا تو خیر ذکر کیا کوئی نہیں نگاہ میں

اپنا تو خیر ذکر کیا کوئی نہیں نگاہ میں

عمر تمام ہو گئی چھوٹے سے اک گناہ میں

کس کا خرام ناز تھا کون تھا غم کی راہ میں

نور سا اک چمک اٹھا قلب شب سیاہ میں

کون سمجھ سکے اسے ربط نہاں کی بات ہے

حسن کی ہر ادا ملی عشق کے اشتباہ میں

تیری نگاہ نیم وا کام تو اپنا کر گئی

کیف دوام دے گئی کلفت گاہ گاہ میں

دیکھو چراغ آگہی راہ جنوں میں بجھ گیا

عقل کے ہوش گم ہیں اب ایک ہی انتباہ میں

ایک مقام ہے جہاں ایک ہیں عکس و آئنہ

عشق کو جا کے دیکھیے حسن کی جلوہ گاہ میں

دیکھ رہی ہے آج بھی میری نگاہ گرم و تیز

چھپنے کو چھپ گئے ہو تم پردۂ مہر و ماہ میں

محفل زیست میں صباؔ ہوگا نظر کا حال کیا

آگ سی جب بھڑک اٹھی قلب جنوں پناہ میں

apna to khair zikr kya koi nahin nigah mein

umr tamam ho gai chhote se ik gunah mein

kis ka khiram-e-naz tha kaun tha gham ki rah mein

nur sa ik chamak utha qalb-e-shab-e-siyah mein

kaun samajh sake use rabt-e-nihan ki bat hai

husn ki har ada mili ishq ke ishtibah mein

teri nigah-e-nim wa kam to apna kar gai

kaif-e-dawam de gai kulfat-e-gah gah mein

dekho charagh-e-agahi rah-e-junun mein bujh gaya

aql ke hosh gum hain ab ek hi intibah mein

ek maqam hai jahan ek hain aks-o-aina

ishq ko ja ke dekhiye husn ki jalwa gah mein

dekh rahi hai aj bhi meri nigah-e-garm-o-tez

chhupne ko chhup gae ho tum parda-e-mehr-o-mah mein

mahfil-e-zist mein saba hoga nazar ka hal kya

ag si jab bharak uthi qalb-e-junun panah mein