کون جانے ہوگا کیا یہ ماجرا ہونے کے بعد

کون جانے ہوگا کیا یہ ماجرا ہونے کے بعد

جسم پھیکا پڑ گیا رنگ قبا ہونے کے بعد

عقل کی ہرزہ سرائی ذہن کی آوارگی

مجھ کو سب کچھ مل گیا تجھ سے جدا ہونے کے بعد

شکر ہے فارغ ہوئے دے کر حساب زندگی

ایک آنسو بچ رہا سب کچھ ادا ہونے کے بعد

ساری خوشیاں کیسی بے تابی سے رخصت ہو گئیں

لوگ مسجد سے اٹھیں جیسے دعا ہونے کے بعد

شعلہ‌ٔ جوالہ جب تک تھے تو تھے آتش مزاج

خنکیٔ اہل وفا اب ہیں صباؔ ہونے کے بعد

kaun jane hoga kya ye majra hone ke baad

jism phika par gaya rang-e-qaba hone ke baad

aql ki harza sarai zehn ki awargi

mujh ko sab kuchh mil gaya tujh se juda hone ke baad

shukr hai farigh hue de kar hisab-e-zindagi

ek ansu bach raha sab kuchh ada hone ke baad

sari khushiyan kaisi be tabi se rukhsat ho gain

log masjid se uthen jaise dua hone ke baad

shola-e-jawwala jab tak the to the atish mizaj

khunuki-e-ahl-e-wafa ab hain saba hone ke baad