کسی کو پیکر مہتاب میں جو ڈھالا تھا

کسی کو پیکر مہتاب میں جو ڈھالا تھا

خیال و خواب کا وہ آخری سنبھالا تھا

ہر ایک شخص پہ پرچھائیں کا خیال ہوا

تری گلی میں عجب طرح کا اجالا تھا

نہ جانے کس لئے ظلمت نے اس پہ یورش کی

وہ آفتاب کہ جو خود ہی ڈھلنے والا تھا

اسی خطا پہ ہر اک خار نے قدم چومے

وہ ایک کانٹا ہی کیوں پاؤں سے نکالا تھا

کوئی بتاؤ کہ سورج کو یہ جھجھک کیوں ہے

ابھی کرن نے تو کہرے سے سر نکالا تھا

بلا سبب مجھے یادوں نے سنگسار کیا

سراب زیست سے میں کب نکلنے والا تھا

کبھی تو ہم نے بھی خوابوں کے بت تراشے تھے

ہمارے دل میں بھی الفت کا اک شوالہ تھا

kisi ko paikar-e-mahtab mein jo dhala tha

khayal-o-khwab ka wo akhiri sambhala tha

har ek shakhs pe parchhain ka khayal hua

tiri gali mein ajab tarah ka ujala tha

na jane kis liye zulmat ne us pe yurish ki

wo aftab ke jo khud hi dhalne wala tha

isi khata pe har ik khar ne qadam chume

wo ek kanta hi kyun paon se nikala tha

koi batao ke suraj ko ye jhunjhuk kyun hai

abhi kiran ne to kohre se sar nikala tha

bala sabab mujhe yadon ne sangsar kiya

sarab-e-zist se main kab nikalne wala tha

kabhi to ham ne bhi khwabon ke but tarashe the

hamare dil mein bhi ulfat ka ik shoala tha