بغیر زیوروں کے بھی حسین ہے یقین ہے

بغیر زیوروں کے بھی حسین ہے یقین ہے

وفا جو اوڑھ لے وہ نازنین ہے یقین ہے

پرندگی میں اس طرح سے چھو رہا ہوں آسماں

کہ آسماں بھی اب مری زمین ہے یقین ہے

اسی لئے وہ پوچھتی ہے پیار پر یقیں ہے کیا

میں نامراد بول دوں یقین ہے یقین ہے

اگر تمہارے نقش پا ملیں وفا کی راہ پر

طویل راستہ بھی خوش ترین ہے یقین ہے

اسے یہ لگ رہا ہے پھر شراب پی گئی مجھے

وہ دو دکھا کے پوچھتا ہے تین ہے یقین ہے

تری صدا کی دھن پہ جھومتا رہوں گا عمر بھر

میں ناگ ہوں ترا کلام بین ہے یقین ہے

گو مجھ کو مولوی بتا رہا تھا یہ حرام ہے

مگر تو کہہ رہا ہے اس میں دین ہے یقین ہے

baghair zewaron ke bhi hasin hai yaqin hai

wafa jo orh le wo naznin hai yaqin hai

parindagi mein is tarah se chhu raha hun asman

ke asman bhi ab miri zamin hai yaqin hai

isi liye wo puchhti hai pyar par yaqin hai kya

main namurad bol dun yaqin hai yaqin hai

agar tumhare naqsh-e-pa milen wafa ki rah par

tawil rasta bhi khush tarin hai yaqin hai

use ye lag raha hai phir sharab pi gai mujhe

wo do dikha ke puchhta hai tin hai yaqin hai

tiri sada ki dhun pe jhumta rahunga umr bhar

main nag hun tira kalam bain hai yaqin hai

go mujh ko maulawi bata raha tha ye haram hai

magar tu kah raha hai is mein din hai yaqin hai