محبت کے نشہ میں چھن چھنن کرتے ہوئے کنگن

محبت کے نشہ میں چھن چھنن کرتے ہوئے کنگن

ترے ہاتھوں میں آ کر اور بھی مہنگے ہوئے کنگن

بڑی مشکل سے اس کے باپ نے کنگن خریدے تھے

سہاگن تک رہی ہے دور سے بیچے ہوئے کنگن

بنا مرضی کے یہ زیور فقط بندھن برابر ہیں

نہیں جچتے کسی کے ہاتھ میں باندھے ہوئے کنگن

بھلے کچھ کر نہیں سکتا مگر یہ دکھ تو ہے مجھ کو

پرائے ہاتھ میں جاکر بہت میلے ہوئے کنگن

وہ اچھے سے سمجھتی تھی مرے گھر بار کی حالت

سو اس کے ہونٹ کن پہ رک گئے کہتے ہوئے کنگن

کسی نے طیش میں آکر ترے ہاتھوں کو جھٹکا تھا

مرے پاؤں میں چبھتے ہیں تیرے ٹوٹے ہوئے کنگن

mohabbat ke nasha mein chhin chhanan karte hue kangan

tire hathon mein a kar aur bhi mahnge hue kangan

bari mushkil se us ke bap ne kangan kharide the

sahagan tak rahi hai dur se beche hue kangan

bana marzi ke ye zewar faqat bandhan barabar hain

nahin jachte kisi ke hath mein bandhe hue kangan

bhale kuchh kar nahin sakta magar ye dukh to hai mujh ko

parae hath mein jakar bahut mele hue kangan

wo achchhe se samajhti thi mire ghar bar ki halat

so us ke hont kin pe ruk gae kahte hue kangan

kisi ne taish mein akar tire hathon ko jhatka tha

mire paon mein chubhte hain tere tute hue kangan