جیسے ہی اس نے پوچھا کہ رشتہ قبول ہے

جیسے ہی اس نے پوچھا کہ رشتہ قبول ہے

یک دم مری زبان سے نکلا قبول ہے

اب بات سے پلٹنے نہیں دوں گا میں تمہیں

سپنے میں تم نے مجھ سے کہا تھا قبول ہے

میں نے یہ راستہ کبھی دیکھا نہیں مگر

تم ساتھ ہو تو مجھ کو بھٹکنا قبول ہے

تو بھی کوئی پرائی انگوٹھی پہن چکا

میں بھی کسی سے کہہ چکا رشتہ قبول ہے

مجھ کو مرے مزاج کا ملتا نہیں کوئی

سو جیسا آپ ڈھونڈھ دیں ویسا قبول ہے

jaise hi us ne puchha ke rishta qubul hai

yak dam miri zaban se nikla qubul hai

ab bat se palatne nahin dunga mein tumhen

sapne mein tum ne mujh se kaha tha qubul hai

main ne ye rasta kabhi dekha nahin magar

tum sath ho to mujh ko bhatakna qubul hai

tu bhi koi parai anguthi pahan chuka

main bhi kisi se kah chuka rishta qubul hai

mujh ko mire mizaj ka milta nahin koi

so jaisa ap dhundh den waisa qubul hai