خواب میں بھی نہ کبھی ان سے ملاقات ہوئی

خواب میں بھی نہ کبھی ان سے ملاقات ہوئی

ہمیں حاصل نہ کبھی وجہ مباہات ہوئی

فکر فردا ہے کبھی رنج و غم دوش کبھی

کس قدر روح بشر مورد آفات ہوئی

خستہ حالی پہ مری ان کو بھی رونا آیا

بعد مدت مرے ویرانے میں برسات ہوئی

وجہ آشوب تمنا ہوا فکر جنت

وجہ آسودگیٔ روح مناجات ہوئی

تشنگی مٹ نہ سکی کام و دہن کی فارغؔ

زندگی مفت میں مرہون خرابات ہوئی

khwab mein bhi na kabhi un se mulaqat hui

hamen hasil na kabhi wajh-e-mubahat hui

fikr-e-farda hai kabhi ranj-o-gham-e-dosh kabhi

kis qadar ruh bashar morid-e-afat hui

khasta hali pe miri un ko bhi rona aya

baad muddat mire wirane mein barsat hui

wajh-e-ashob-e-tamanna hua fikr-e-jannat

wajh-e-asudgi-e-ruh-e-munajat hui

tishnagi mit na saki kam-o-dahan ki farigh

zindagi muft mein marhun kharabat hui