اعتبار آرزو کا کر و فر جاتا رہا

اعتبار آرزو کا کر و فر جاتا رہا

دل سے عرفان محبت کا اثر جاتا رہا

شمع سوز غم کا قصہ رات بھر کہتی رہی

دے کے پروانہ پیام مختصر جاتا رہا

عہد رفتہ کو نہ دیکھا لوٹ کر آتے ہوئے

اعتبار گردش شام و سحر جاتا رہا

ہو سکے گا پھر نہ صیقل جوہر کردار زیست

گر جہاں سے اعتبار خیر و شر جاتا رہا

اعتبار آرزوئے مختصر باقی سہی

اعتبار‌ جذبۂ فکر و نظر جاتا رہا

مشکلات‌ عشق کا عقدہ نہ پھر بھی وا ہوا

نامہ بر آتا رہا اور نامہ بر جاتا رہا

فکر بیش و کم کے فارغؔ مرحلے طے ہو گئے

دل سے احساس غم نفع و ضرر جاتا رہا

etibar-e-arzu ka kar-o-far jata raha

dil se irfan-e-mohabbat ka asar jata raha

shama soz-e-gham ka qissa rat bhar kahti rahi

de ke parwana payam-e-mukhtasar jata raha

ahd-e-rafta ko na dekha laut kar ate hue

etibar-e-gardish-e-sham-o-sahar jata raha

ho sakega phir na saiqal jauhar-e-kirdar zist

gar jahan se etibar-e-khair-o-shar jata raha

etibar-e-arzu-e-mukhtasar baqi sahi

etibar-e-jazba-e-fikr-o-nazar jata raha

mushkilat-e-ishq ka uqda na phir bhi wa hua

nama bar ata raha aur nama bar jata raha

fikr besh-o-kam ke farigh marhale tai ho gae

dil se ehsas-e-gham-e-nafa-o-zarar jata raha