رہ حیات میں وہ بھی مقام آئے گا

رہ حیات میں وہ بھی مقام آئے گا

یگانہ کام نہ بیگانہ کام آئے گا

سرور بادۂ رنج و غم حیات کبھی

نہ کام آیا کسی کے نہ کام آئے گا

ہماری زندگیٔ مختصر کا سرمایہ

ہمارے بعد زمانے کے کام آئے گا

بدل چکی ہے فضا اب نظام عالم کی

نہ کام دانہ کسی کے نہ دام آئے گا

یقیں ہے تشنہ لبوں کو کہ ان کی محفل میں

وہ جب بھی آئے گا بادہ بہ جام آئے گا

وہ جس کی یاد ستاتی ہے رات دن فارغؔ

نہ قبل صبح نہ وہ بعد شام آئے گا

rah-e-hayat mein wo bhi maqam aega

yagana kam na begana kam aega

surur-e-bada-e-ranj-o-gham-e-hayat kabhi

na kam aya kisi ke na kam aega

hamari zindagi-e-mukhtasar ka sarmaya

hamare baad zamane ke kam aega

badal chuki hai faza ab nizam-e-alam ki

na kam dana kisi ke na dam aega

yaqin hai tishna labon ko ke un ki mahfil mein

wo jab bhi aega bada ba jam aega

wo jis ki yad satati hai rat din farigh

na qabl-e-subh na wo baad-e-sham aega