کروں گا عشق وراثت کا کچھ بتاؤں گا نئیں

کروں گا عشق وراثت کا کچھ بتاؤں گا نئیں

میں اک غریب کی بیٹی کو آزماؤں گا نئیں

انہیں کہو کہ بہت ڈھیر شور و شر نہ کریں

میں ڈر گیا تو کئی روز مسکراؤں گا نئیں

تسلی دوں گا تو مر جائے گی وہ لڑکی ہے

میں جانے دوں گا گلے سے اسے لگاؤں گا نئیں

اسے خبر بھی نہیں ہوگی اتنا چاہوں گا

اسے پتہ بھی نہیں ہوگا میں بتاؤں گا نئیں

یہ راستہ بڑی مشکل سے طے کیا میں نے

یہ فاصلہ ہے دلوں کا اسے مٹاؤں گا نئیں

ترا مطالبہ ہے تیری یاد کے آنسو

میں اب کے رویا تو آنکھوں کو بھی بچاؤں گا نئیں

اور اب کی سالگرہ پر پلان کیا ہے ترا

اور اب کی بار تو میں سامنے بھی آؤں گا نئیں

میں تجھ سے آنکھ ملا کر غزل سناؤں گا

میں خود کو ڈوبتا دیکھوں گا اور بچاؤں گا نئیں

karunga ishq wirasat ka kuchh bataunga nain

main ik gharib ki beti ko azmaunga nain

unhen kaho ke bahut dher shor-o-shar na karen

main dar gaya to kai roz muskuraunga nain

tasalli dunga to mar jaegi wo larki hai

main jane dunga gale se use lagaunga nain

use khabar bhi nahin hogi itna chahunga

use pata bhi nahin hoga mein bataunga nain

ye rasta bari mushkil se tai kiya main ne

ye fasla hai dilon ka use mitaunga nain

tira mutaliba hai teri yad ke ansu

main ab ke roya to ankhon ko bhi bachaunga nain

aur ab ki salgira par pilan kya hai tira

aur ab ki bar to main samne bhi aunga nain

main tujh se ankh mila kar ghazal sunaunga

main khud ko dubta dekhunga aur bachaunga nain