اے دشت شب گزار تری آس کا ہرن

اے دشت شب گزار تری آس کا ہرن

کھائی میں یاس کی جو گرا رو پڑی پون

جا کر دیار مرگ میں چھوڑ آئیے اسے

جو گھومتا ہے اوڑھے ہوئے درد کا کفن

اب تجھ سے ہی جلاؤں گا یہ گل شدہ چراغ

اے ٹمٹماتی رات ڈھلے چاند کی کرن

اب تیرے خط کو ڈھونڈ رہا ہوں ورق ورق

اکتا چکا ہے حرف و حکایت سے میرا من

آواز آ رہی ہے فصیل نجات سے

تیری کمی کھٹکتی ہے اے میرے ہم وطن

یزداں خطا معاف گرا جا رہا ہوں میں

پھر آدمی کے بھیس میں آیا ہے اہرمن

ai dasht-e-shab guzar tiri as ka hiran

khai mein yas ki jo gira ro pari pawan

ja kar dayar-e-marg mein chhor aiye use

jo ghumta hai orhe hue dard ka kafan

ab tujh se hi jalaunga ye gul shuda charagh

ai timtimati rat dhale chand ki kiran

ab tere khat ko dhund raha hun waraq waraq

ukta chuka hai harf-o-hikayat se mera man

awaz a rahi hai fasil-e-najat se

teri kami khatakti hai ai mere ham watan

yazdan khata muaf gira ja raha hun main

phir admi ke bhes mein aya hai ahriman