کاجل شام کی آنکھ سے ڈھلکے آنچل تیرے شانے سے

کاجل شام کی آنکھ سے ڈھلکے آنچل تیرے شانے سے

اور ذرا غم بھی لے آئیں یادوں کے ویرانے سے

کیا اس نے سوچا ہوگا جب خط میرا پہنچا ہوگا

سوچ رہا ہوں دیکھ آؤں میں جا کر کسی بہانے سے

چاہت کے دو بدن شہر میں الگ الگ کیوں رہتے ہیں

ٹکرانے کی ہمت بھی تھی جب بے درد زمانے سے

سونے چاندی کی دیواریں ڈھ دینا آسان نہ تھا

لیکن تم تو بہک گئے اس دنیا کے بہکانے سے

اجڑ گئی جب پیار کی محفل چلے گئے سب دل والے

تنہا راہے بہل رہا ہے ماضی کے افسانے سے

kajal sham ki ankh se dhalke anchal tere shane se

aur zara gham bhi le aen yadon ke wirane se

kya us ne socha hoga jab khat mera pahuncha hoga

soch raha hun dekh aun main ja kar kisi bahane se

chahat ke do badan shahr mein alag alag kyun rahte hain

takrane ki himmat bhi thi jab be dard zamane se

sone chandi ki diwaren dha dena asan na tha

lekin tum to bahak gae is duniya ke bahkane se

ujar gai jab pyar ki mahfil chale gae sab dil wale

tanha rahe bahal raha hai mazi ke afsane se