درد کو درد سے نسبت ہوگی

درد کو درد سے نسبت ہوگی

کیوں سوچیں کہ محبت ہوگی

جان کسی کو دی تھی تم نے

اب جو جئے تو ندامت ہوگی

تم سے مجھے کچھ کام نہیں ہے

تم کو میری ضرورت ہوگی

آؤ خدا کی بستی ہے یہ

کسی کھنڈر میں عبادت ہوگی

کٹیاؤں کا لٹیرا ہوگا

جس کی نئی عمارت ہوگی

بیٹھا ہوں پھر دیا جلائے

پروانوں کی ضیافت ہوگی

جسم کسی کا گرم نہیں ہے

راہیؔ تم کو حرارت ہوگی

dard ko dard se nisbat hogi

kyun sochen ke mohabbat hogi

jan kisi ko di thi tum ne

ab jo jiye to nadamat hogi

tum se mujhe kuchh kam nahin hai

tum ko meri zarurat hogi

ao khuda ki basti hai ye

kisi khandar mein ibadat hogi

kutyaon ka lutera hoga

jis ki nai imarat hogi

baitha hun phir diya jalae

parwanon ki ziyafat hogi

jism kisi ka garm nahin hai

rahi tum ko hararat hogi