اپنی چپ میں وہ شان سمجھے ہے

اپنی چپ میں وہ شان سمجھے ہے

دل غموں کی زبان سمجھے ہے

خاک سمجھے گا بام و در کا دکھ

وہ جو خود کو مکان سمجھے ہے

خوشبوئیں کیوں خفا خفا سی ہیں

تتلیوں کی اڑان سمجھے ہے

ابھی اس کی سمجھ ہے ناپختہ

تیر کو وہ کمان سمجھے ہے

میرے ہاتھوں کی ان لکیروں کو

گزرے وقتوں کی آن سمجھے ہے

بکھرے بادل کی بد حواسی کو

وہ فضاؤں کی جان سمجھے ہے

apni chup mein wo shan samjhe hai

dil ghamon ki zaban samjhe hai

khak samjhega bam-o-dar ka dukh

wo jo khud ko makan samjhe hai

khushbuen kyun khafa khafa si hain

titliyon ki uran samjhe hai

abhi us ki samajh hai napukhta

tir ko wo kaman samjhe hai

mere hathon ki in lakiron ko

guzre waqton ki an samjhe hai

bikhre badal ki bad hawasi ko

wo fazaon ki jan samjhe hai