صبح کس کی ہے شام کس کی ہے

صبح کس کی ہے شام کس کی ہے

زندگی زیر دام کس کی ہے

چاند تارے ہیں جس کے دیوانے

وہ شبیہ دوام کس کی ہے

کون آیا ہے دل کی جنت میں

یہ صبائے خرام کس کی ہے

دونوں عالم میں کس کے چرچے ہیں

حسرت ناتمام کس کی ہے

شہر در شہر خوں میں ڈوبے ہیں

زندگی سبز گام کس کی ہے

کون سوچے گا دل کا مستقبل

نیند آخر حرام کس کی ہے

وہ تو اگلے گا آگ جیتے جی

اس کے منہ میں لگام کس کی ہے

subh kis ki hai sham kis ki hai

zindagi zer-e-dam kis ki hai

chand tare hain jis ke diwane

wo shabih-e-dawam kis ki hai

kaun aya hai dil ki jannat mein

ye saba-e-khiram kis ki hai

donon alam mein kis ke charche hain

hasrat-e-natamam kis ki hai

shahr dar shahr-e-khun mein dube hain

zindagi sabz gam kis ki hai

kaun sochega dil ka mustaqbil

nind akhir haram kis ki hai

wo to aglega ag jite ji

us ke munh mein lagam kis ki hai