اک تو اسے ہر بات میں حد چاہیے میری

اک تو اسے ہر بات میں حد چاہیے میری

پھر اس پہ محبت بھی اشد چاہیے میری

پہلے اسے درکار تھی شام اور یہ شانہ

اب مجھ کو بھلانے میں مدد چاہیے میری

بو آنے لگی تجھ سے بھی دنیا کی مرے یار

کچھ روز مجھے صحبت بد چاہیے میری

کہتی ہے فرشتوں کی طرح ٹوکوں نہ روکوں

اور آدمی والی بھی سند چاہیے میری

کیا دن میں ضروری ہے کہ اوروں میں رہو تم

کیا رات میں بس نیت بد چاہیے میری

ik to use har bat mein had chahiye meri

phir us pe mohabbat bhi ashad chahiye meri

pahle use darkar thi sham aur ye shana

ab mujh ko bhulane mein madad chahiye meri

bu ane lagi tujh se bhi duniya ki mire yar

kuchh roz mujhe sohbat-e-bad chahiye meri

kahti hai farishton ki tarah tokun na rokun

aur admi wali bhi sanad chahiye meri

kya din mein zaruri hai ke auron mein raho tum

kya rat mein bas niyyat bad chahiye meri