اترتی کیوں یہ ساری جا رہی ہے

اترتی کیوں یہ ساری جا رہی ہے

کہاں میری خماری جا رہی ہے

نظر نیچی کیے پھرتے ہیں بھونرے

کلی کی شرمساری جا رہی ہے

ٹھہاکوں میں ہوئے تبدیل آنسو

شب فرقت گزاری جا رہی ہے

عجب مورکھ ہو سیرت دیکھتے ہو

ابھی صورت نکھاری جا رہی ہے

کہاروں کی جگہ دکھتی ہیں خوشیاں

دکھوں کی وہ سواری جا رہی ہے

بڑے چھوٹوں سے بچ کے چل رہے ہیں

پرانی پاسداری جا رہی ہے

لگیں جس کی زمانہ بھر کو نظریں

نظر اس کی اتاری جا رہی ہے

میاں ہم بھی تو پیچھے ہی پڑے ہیں

یہاں ہاتھوں میں چھالے ہو گئے ہیں

وہاں قسمت سنواری جا رہی ہے

بگڑ مت دیکھ بس چپ چاپ ساحلؔ

ندی کس کس پہ واری جا رہی ہے

utarti kyun ye sari ja rahi hai

kahan meri khumari ja rahi hai

nazar nichi kiye phirte hain bhaunre

kali ki sharmsari ja rahi hai

thahakon mein hue tabdil ansu

shab-e-furqat guzari ja rahi hai

ajab murakh ho sirat dekhte ho

abhi surat nikhari ja rahi hai

kaharon ki jagah dikhti hain khushiyan

dukhon ki wo sawari ja rahi hai

bare chhoton se bach ke chal rahe hain

purani pasdari ja rahi hai

lagen jis ki zamana bhar ko nazren

nazar us ki utari ja rahi hai

miyan ham bhi to pichhe hi pare hain

yahan hathon mein chhale ho gae hain

wahan qismat sanwari ja rahi hai

bigar mat dekh bas chup chap sahil

nadi kis kis pe wari ja rahi hai