اگر کار محبت میں محبت راس آ جاتی

اگر کار محبت میں محبت راس آ جاتی

تمہارا ہجر اچھا تھا جو وصلت راس آ جاتی

گلا پھاڑا نہیں کرتے رفو دریافت کرنے میں

اگر بے کار رہنے کی مشقت راس آ جاتی

تمہیں صیاد کہنے سے اگر ہم باز آ جاتے

ہمیں بھی اس تماشے میں سکونت راس آ جاتی

فقط غصہ پیے جاتے ہیں روز و شب کے جھگڑے میں

کوئی ہنگامہ کر سکتے جو وحشت راس آ جاتی

اگر ہم پار کر سکتے یہ اپنی ذات کا صحرا

تو اپنے ساتھ رہنے کی سہولت راس آ جاتی

agar kar-e-mohabbat mein mohabbat ras a jati

tumhara hijr achchha tha jo waslat ras a jati

gila phara nahin karte rafu daryaft karne mein

agar be kar rahne ki mashaqqat ras a jati

tumhen sayyad kahne se agar ham baz a jate

hamen bhi is tamashe mein sukunat ras a jati

faqat ghussa piye jate hain roz-o-shab ke jhagre mein

koi hangama kar sakte jo wahshat ras a jati

agar ham par kar sakte ye apni zat ka sahra

tu apne sath rahne ki suhulat ras a jati