دل کی آواز میں قیام کریں

دل کی آواز میں قیام کریں

آ مرے یار آ کلام کریں

تتلیاں ڈھونڈنے میں دن کاٹیں

اور جنگل میں ایک شام کریں

آئنوں کو بلائیں گھر اپنے

اور چراغوں کا اہتمام کریں

اس کے ہونٹوں کو دھیان میں رکھ کر

سرخ پھولوں کا انتظام کریں

جس کے دم سے ہے یہ سخن آباد

یہ غزل بھی اسی کے نام کریں

dil ki awaz mein qayam karen

a mire yar a kalam karen

titliyan dhundne mein din katen

aur jangal mein ek sham karen

ainon ko balaen ghar apne

aur charaghon ka ehtimam karen

us ke honton ko dhyan mein rakh kar

surkh phulon ka intizam karen

jis ke dam se hai ye sukhan abad

ye ghazal bhi usi ke nam karen