ایک دفعہ وہ مجھے دل میں تو آنے دیتا

ایک دفعہ وہ مجھے دل میں تو آنے دیتا

میں اسے شام نہیں دیتا زمانے دیتا

آپ کے غم پہ بہت کام کیا ہے میں نے

اب میں روتا ہوں تو آنسو نہیں آنے دیتا

وہ مجھے ایک سے پہلے نہیں سونے دیتی

میں اسے خواب سے جلدی نہیں جانے دیتا

رب کے آگے تو تر و تازہ گیا ہوتا میں

وقت کچھ دیر مجھے ٹیک لگانے دیتا

شعر کا رزق ان آنکھوں میں ہے لیکن مرے دوست

دل مجھے ہونٹ سے اوپر نہیں جانے دیتا

ہر حسیں لڑکی کو تسلیم کیا کرتا ہوں

کوئی مصرع نہیں میں گرنے گرانے دیتا

ek dafa wo mujhe dil mein to ane deta

main use sham nahin deta zamane deta

ap ke gham pe bahut kam kya hai main ne

ab main rota hun to ansu nahin ane deta

wo mujhe ek se pahle nahin sone deti

main use khwab se jaldi nahin jane deta

rab ke age to tar-o-taza gaya hota main

waqt kuchh der mujhe tek lagane deta

sher ka rizq in ankhon mein hai lekin mire dost

dil mujhe hont se upar nahin jane deta

har hasin larki ko taslim kiya karta hun

koi misra nahin main girne girane deta